April fool – 講下笑啫 , 我認真嫁
— April 3, 2015
香港管理學嘅其中一個精髓 – 就係同下屬講，聽日deadline ,今日叫你做，下屬以為4月1日講笑姐，點知其實係真嘅，下屬嘅心情就好似亞視嘅某d員工咁有種座過山車的感覺。
呢種感覺令下屬呼吸同心跳加速，頭腦清醒，工作效率自然提升。雖然下屬內心會講希望上司一家人闔家平安富貴，但是工作還是要做的。
而食鹽多過下屬食咪嘅上司就藉住呢個機會去考驗下屬嘅工作能力。當然，上司亦都知道下屬暗罵自己一家人闔家平安富貴，如果鬧人都可以鬧到人哋發達，咁呢個世界就唔會有咁多窮人啦。還有，呢個上司考驗下屬的過程，只不過用咗唔夠48小時，對上司來講，簡直係快靚正，又百利而無一害。
不過，講來講去大家都係搵食啫，大家都係為咗一啖飯去為老闆打生打死，所以都係果句，玩唔起咪走囉。
– 小金子
Leave a reply
You must be logged in to post a comment.